OPEN DAY 2024 në Universitetin e Arteve

Më 11 Dhjetor, duke filluar nga ora 09:00 dhe deri në orët e vona, në Universitetin e Arteve u zhvillua “Open Day” me pjesëmarrjen e të tre Fakulteteve. Gjatë këtij eventi u organizuan mësime të hapura, ekspozita me punime të studentëve, si dhe prova për aktivitete artistike që do të zhvillohen në të ardhmen. Po ashtu u zhvilluan shfaqje teatrore dhe filmike të realizuara nga studentë të Universitetit të Arteve.

“Open Day” shërbeu si një mundësi për të promovuar, përmes aktiviteteve dhe arritjeve të studentëve, ofertën akademike të Universitetit të Arteve për të gjithë ata të rinj që të ardhmen e tyre e projektojnë në fushën e arteve. Për më tepër, kjo ditë synoi nxitjen e bashkëpunimit dhe zhvillimit më të gjerë në fushat e artit dhe të edukimit.

Ky event u ndoq edhe nga nxënës të shkollave artistike 9-vjeçare e të mesme të qytetit të Tiranës, drejtues nga institucione të arsimit dhe të kulturës si dhe media.

FOTO GALERI

<<Kthehu - Tjetra>>