Thirrje për përzgjedhjen e shtëpive kinematografike

Universiteti i Arteve, në bashkëpunim me Qendrën Kombëtare të Kinematografisë, shpall thirrjen e hapur për përzgjedhjen e shtëpive kinematografike që do të realizojnë projektet filmike në kuadër të programit “Pakti për Universitetin”.

Thirrja lidhet me realizimin e filmave diplomë të studentëve të Vitit të 3-të Bachelor dhe Vitit të 2-të Master në Programin e Studimit "Regji Filmi dhe Televizioni" të Fakultetit të Artit Skenik.

Shtëpitë kinematografike do të vlerësohen bazuar në përvojën profesionale, kapacitetet teknike, garantimin e post-produksionit, mbështetjen artistike dhe përmbushjen e kërkesave të bashkëpunimit me UART dhe QKK.

Dokumentacioni duhet të paraqitet sipas kërkesave dhe kritereve të përcaktuara.

::: Thirja e plotë (pdf)