Rezultatet, konkurset 2025 në UART, Raundi i II-të

Në zbatim të Urdhrit të Përbashkët Nr. 157, datë 03.06.2025, “Për miratimin e kalendarit për procedurat e aplikimit dhe të regjistrimit në institucionet e arsimit të lartë për vitin akademik 2025-2026”,

në përfundim të Raundit të Dytë publikohen në vijim listat e konkurrentëve pjesëmarrës në konkurset e pranimit për vitin akademik 2025 - 2026, sipas rendit zbritës të pikëve të fituara:

NJOFTIM I RËNDËSISHËM:

Në zbatim të Urdhrit të Përbashkët Nr. 157, datë 03.06.2025, KREU II, Gërma H, pika 2,

Procesi i regjistrimit do të kryhet në datat 29 Shtator deri 8 Tetor 2025 (5 faza 48 orëshe; 29-30; 01-02; 03-04; 05-06 dhe 07-08), kohë kur të gjithë kandidatët, të cilët kanë kryer procesin e aplikimit në Raundin e Dytë dhe janë shpallur fitues, do të mund të kryejnë procesin e regjistrimit në Universitetin e Arteve, duke paraqitur dokumentacionin përkatës, në Sekretaritë Mësimore të secilit Fakultet ku kanë konkurruar.

BËNI KUJDES!

Nëse kandidati/ja fitues/e nuk paraqitet në fazën e parë të regjistrimit, në datat 29 deri më 30 Shtator 2025, e humbet të drejtën e regjistrimit, duke i lënë të drejtën e regjistrimit kandidatëve të tjerë fitues të gjendur poshtë vijës së kuqe.

Dokumentacioni i nevojshëm që duhet të paraqisni pranë Sekretarisë Mësimore (përkatëse) për t'u regjistruar në Universitetin e Arteve, është:

Fotokopje e dokumentit të identifikimit (kartë identiteti ose pasaportë).
Diplomën e Matuturës Shtetërore dhe certifikatën e notave të printuar nga e-Albania (noterizimi nuk është i nevojshëm), ose fotokopje e noterizuar e diplomës së Maturës Shtetërore, dëftesës së pjekurisë, së bashku me certifikatën e notave ose të një dëftese / diplome tjetër studimi të fituar jashtë vendit dhe të njehsuar në QSHA.
Deklaratën e cila plotësohet nga aplikanti në mjediset e Sekretarisë Mësimore të Fakultetit në momentin e regjistrimit.
Dy fotografi personale në formatin 4x6.
Mandati i pagesës i tarifës së regjistrimit.

Falemnderit!