<
Administrimi dhe Arkivimi i Dokumentacionit
Universiteti i Arteve administron dokumentacionin institucional në përputhje me legjislacionin në fuqi për arkivimin, protokollimin dhe ruajtjen e dokumenteve zyrtare, nëpërmjet Sektorit të Protokoll-Arkivit dhe njësive përkatëse administrative.
Dokumentet zyrtare regjistrohen dhe administrohen në regjistrin e protokollit, ku çdo shkresë hyrëse dhe dalëse pajiset me numër protokolli, datë dhe përshkrim përkatës, duke garantuar gjurmueshmërinë dhe ruajtjen e tyre sipas rregullave të arkivimit.
Dokumentacioni institucional përfshin, ndër të tjera:
- Vendime të organeve drejtuese (Senati Akademik, Bordi i Administrimit, Rektori, Këshilli i Etikës);
- Urdhra, udhëzime dhe akte administrative;
- Shkresa zyrtare hyrëse dhe dalëse;
- Kontrata dhe marrëveshje bashkëpunimi;
- Dokumentacion akademik dhe administrativ;
- Dokumente financiare dhe administrative;
- Dokumentacion të projekteve, aktiviteteve dhe marrëdhënieve ndërkombëtare.
Dokumentet ruhen në format fizik (hard copy) në arkiv, si dhe në format elektronik (soft copy), sipas natyrës së tyre, duke respektuar kërkesat për siguri, konfidencialitet dhe akses të kontrolluar.
Një pjesë e dokumentacionit me karakter publik publikohet në faqen zyrtare të Universitetit të Arteve, në kuadër të Programit të Transparencës dhe detyrimeve që rrjedhin nga ligji për të drejtën e informimit.
Ky sistem garanton administrimin e rregullt, ruajtjen, gjurmueshmërinë dhe aksesin në dokumentacionin zyrtar të institucionit, sipas kërkesave ligjore në fuqi.
