Rreth Autoritetit

Misioni i Universitetit të Arteve

Universiteti i Arteve, si institucion publik i arsimit të lartë, ka për mision:

të krijojë, zhvillojë, përcjellë dhe mbrojë dijet përmes mësimdhënies në fushën e artit dhe kulturës, si dhe të nxisë e zhvillojë kërkimin artistik/shkencor;
të formojë specialistë të lartë të fushave të arteve dhe të përgatisë artistë të rinj, në përputhje me prioritetet e zhvillimit të vendit;
të ofrojë mundësi të barabarta për të përfituar nga arsimi i lartë dhe të mësuarit gjatë gjithë jetës;
të kontribuojë në zhvillimin artistik, ekonomik, social dhe kulturor në nivel kombëtar dhe rajonal;
të mbështesë prioritetet strategjike dhe interesat e zhvillimit të vendit;
të integrojë mësimdhënien me kërkimin artistik/shkencor;
të nxisë bashkëpunimin ndërkombëtar në fushën e arsimit dhe kërkimit artistik/shkencor.

Funksionet dhe detyrat e Universitetit të Arteve

Universiteti i Arteve ushtron veprimtarinë e tij në përputhje me legjislacionin në fuqi dhe Statutin, duke realizuar funksionet kryesore si më poshtë:

organizimin dhe zhvillimin e programeve të studimit në ciklet Bachelor, Master dhe Doktoraturë në fushat e arteve;
zhvillimin e kërkimit artistik dhe shkencor;
organizimin e veprimtarive artistike, kulturore dhe shkencore;
ofrimin e shërbimeve ndaj studentëve dhe publikut në fushat e veprimtarisë së tij;
administrimin e burimeve njerëzore, financiare dhe materiale në funksion të realizimit të misionit të institucionit.

Procedura e vendimmarrjes në Universitetin e Arteve

Vendimmarrja në Universitetin e Arteve realizohet përmes organeve drejtuese të përcaktuara në Statut, sipas kompetencave përkatëse:

Senati Akademik, si organi më i lartë akademik, merr vendime për çështje që lidhen me veprimtarinë akademike dhe kërkimore;
Bordi i Administrimit, si organ përgjegjës për administrimin financiar dhe menaxhimin e burimeve;
Rektori, si përfaqësues ligjor dhe drejtues i institucionit, nxjerr urdhra dhe akte administrative në zbatim të ligjit dhe Statutit;
Këshilli i Etikës dhe strukturat e tjera drejtuese, sipas përcaktimeve statutore.

Vendimet e këtyre organeve dokumentohen në forma shkresore dhe publikohen sipas legjislacionit përkatës dhe Programit të Transparencës.

Struktura e pagave (sipas kuadrit ligjor në fuqi)

Paga e funksioneve drejtuese, akademike dhe administrative në Universitetin e Arteve përcaktohet në përputhje me legjislacionin në fuqi dhe aktet nënligjore përkatëse të Këshillit të Ministrave për institucionet publike të arsimit të lartë.

Struktura e pagave bazohet në kategoritë e mëposhtme:

Rektori, Dekanët dhe funksionet drejtuese;
Personeli akademik (Profesor, Profesor i Asociuar, Lektor, Asistent Lektor);
Personeli administrativ dhe teknik.

Për çdo kategori, niveli i pagës përcaktohet sipas vendimeve të Këshillit të Ministrave dhe akteve përkatëse nënligjore në fuqi.

Zgjidh Destinacionin: